Category: muktak

  • पाऊले – FOOT STEPS

    पाऊले वाळवंटी चालती ही पाऊले सामान अपुले वाहती ही पाऊले हे निळे आभाळ वरती दाटुनी यावे कधी भिजविण्या रेती तळीची गावे कधी ….. नित्य लिहावे काहीतरी मी मला जिंकण्यासाठी मला जिंकुनी मीच लिहावे मला हरवण्यासाठी शब्दांमधुनी मोद उधळते भूवर साऱ्या वरती जाते कधी कधी मी गगन चुंबण्यासाठी

  • झरतृष्ट – GOLDEN SHINING STAR

    कोण हा झरतृष्ट आहे पुस्तकाचे पृष्ठ आहे कोण लिहितो गीत यावर दृष्ट की अदृष्ट आहे … मेघ घन घन कृष्ण आहे जलद भरला तृप्त आहे सांडण्या धो धो सुखाने जाहला संपृक्त आहे … वाफ भरली लुप्त झाली मेघना संतुष्ट झाली गार वारा झोंबल्यावर कोसळूनी मुक्त झाली … रुष्ट होणे बरे नाही गुप्त होणे बरे नाही…

  • रोज लिहावे (तीन मुक्तके) – “SHOULD WRITE DAILY”

    प्रभातीस मी लिहिते काही प्रभातीस आठवते काही किलबिल ऐकत पक्ष्यांची मज प्रभातीस जागवते काही …. लिहिण्यासाठी सहज सुचावे स्वप्न मराठी तुझे तुझे हसावे व्यक्त कराया भाव मोकळे भाषेचे ना बंधन व्हावे …. रोज लिहावे असेच काही अक्षरांतुनी हसेल काही लिहिता लिहिता झरती डोळे देणे त्यातुन जमेल काही ….

  • मंगल(मङ्गल) – AUSPICIOUS

    मंगल मन्गल मङ्गल चरणी शुद्ध निरञ्जन दीप तेवतो मुनी दिगंबर निर्भय ज्ञानी जितेंद्रिय आत्म्यात राहतो अभय मिळाया जीवांना हा काळ खरा पावन आला हो पानगळीचा ऋतू शिशिर हा मुक्तक लिहिण्या मला भावतो मुक्तक – मात्रावृत्त (३२ मात्रा)

  • भविष्य माझे – MY FUTURE

    भविष्य माझे मीच सांगुनी मी घडवावे भविष्य माझे मला न भीती कशाकशाची मीच लिहावे भविष्य माझे भूतकाळ मम् सुंदर होता वर्तमानही सुंदर सुंदर भविष्य सुद्धा अतीव सुंदर ऐसे गावे भविष्य माझे मुक्तक – मात्रावृत्त (८/८/८/८/) ३२ मात्रा

  • आरसपाणी – TRANSPERANT

    जलद प्रकटले बिजलीसंगे मौन योगिनी सृष्टी झाली जलद जलद घन मुक्त बरसले तप्त धरेवर वृष्टी झाली जलद कृष्ण बन गडद स्मृतींचे हळू उतरले पापणकाठी जलद “सुनेत्रा” झरझर झरले आरसपाणी दृष्टी झाली

  • जादुमयी – magical

    कलाकार सृष्टी जादुमयी कलाकार वृष्टी जादुमयी मला लाभुदे रत्नत्रययुत कलाकार दृष्टी जादुमयी गूढ धीर तिसऱ्या शेरातिल कलाकार तृष्टी जादुमयी तीन शेरांचे मुक्तक (मात्रा १६)