सुनेत्रा नकाते

Category: Marathi sahitya

  • कौमुदी – KAUMUDEE (ILLUMINATION)

    सूर्यकिरण कोवळे चुंबिता उमले कमळ कळी कार्तिक स्नानासाठी उतरे बिंब रवीचे जळी झळाळणाऱ्या पीत दुपारी मिटुन केतकी दले जर्द पितांबर पांघरुनी बन सुवासिक झोपले पिवळी तांबुस सांज मखमली श्यामल श्यामल धरा टिपुर टिपुर टिपऱ्यांच्या संगे खळखळ गातो झरा गोधूळीने दिशा रंगल्या गवळण काढे धार गोप टाकतो गोठ्यामध्ये भारा हिरवागार लाल निखाऱ्यावरी चुलीच्या पात्र ठेवता माय…

  • डोस – DOSE

    मोक्षपथावर कधी न अडले घोडे माझे मम चरणांची वाट पाहती जोडे माझे खूप ऐकले उपदेशाचे डोस जनांचे ऐकत असते मीही आता थोडे माझे घात टाळण्या घाटामधल्या वळणावरती मोहक वळणे घेता अक्षर मोडे माझे मीच घातले होते मजला जे अनवट ते लयीत लोभस सहज उलगडे कोडे माझे गंडेदोरे का नडतील ग मला सुनेत्रा करी झळकता कनक…

  • दीप शर्वरी – DEEP SHARVAREE (NIGHT OF LIGHTS)

    श्रावण रमणी दीप शर्वरी दिवा लाविते श्रावण रमणी गोड गोजिरी दिवा लाविते पश्चिम सूर्याला वंदोनी हृदय मंदिरी श्रावण रमणी पीत पावरी दिवा लाविते अंधारे अंगण उजळाया तिन्हीसांजेस श्रावण रमणी वधू लाजरी दिवा लाविते हळदीकुंकू रेखुन भाळी तुळशीपाशी श्रावण रमणी प्रिया बावरी दिवा लाविते इंद्रधनूवर झोके घेउन दमल्यावरती श्रावण रमणी गझल नाचरी दिवा लाविते

  • आखाडी अवस – AKHADI AVAS (AKHADI NEW MOON DAY )

    सांजेला पिंपळी येताच थवे आखाडी अवस पेटवी दिवे पिंपळ पारावर मैफलीत गप्पांच्या अड्ड्यात सुंदर खल आषाढी धारांत गटारी न्हाती खळखळ वेगे धावत जाती खराटे घेऊन निघाल्या बाया झाडून गटारी दिवे लावाया गटार तीरी समयांची रांग तुळशीच्या रानी डोलते भांग

  • आत्मभक्ती – AATMA BHAKTEE(SOUL DEVOTION)

    जीव जाणतो जीवांमध्ये ज्ञान राहते जीवाहुन या अमुल्य दुसरे काही नसते कर्म करावे जैसे तैसे फळ मिळते जाणू आत्म्यातील आनंद लुटाया भय सारे त्यागू सम्यकदृष्टी जीवांसाठी आत्मधर्म आहे शरण्य अपुल्या आत्म्याहुन ना कुणी अन्य आहे अंतर्यामी शुद्धात्म्याला सदैव ठेवावे अपुल्या वाटेवरून निर्भय होऊन चालावे आत्मशांतीची खरी संपदा जीवा लाभाया आत्मभक्तीला जाणुन घ्यावे मुक्ती साधाया

  • भिजली वर्दळ – BHIJALEE VARDAL(WET HUSTLE AND BUSTLE)

    जवळपास वा दूरदूरवर ओळख सुकली भिजते आहे हिरवा श्यामल फिकट पारवा श्रावण घन मनी दाटत आहे निळसर राखी सडकेवरुनी भिजली वर्दळ वहात आहे वर्दळीस मी भरून डोळी घनास मनीच्या शिंपीत आहे किलबिल चिवचिव ऐकायाला वाऱ्यासंगे हलता झाडे पत्र्यांवरती टपटप उतरत पाऊस तेव्हा म्हणतो पाढे असेच केव्हातरी आवडे जगावयाला पावसासही पाढे म्हणता म्हणता गातो माझ्यासंगे मजेत…

  • माझी तरही – MAAZEE TARAHEE(MY TARHI GHAZAL)

    तरही तरिही तरली तरली गझलियतीने चढली तरली माझी तरही लाख गुणाची जरी तरकली टिकली तरली उले आणखी मिसरे सानी गुंफुन तरही बनली तरली फुले पाखरे पर्णरुपातुन तरही कशिद्यावरली तरली तरहीमधुनी हसत सुनेत्रा झुल्यावरती झुलली तरली