सुनेत्रा नकाते

बोलायाचे लिहावयाचे मुहूर्त ठरवे कोणी पोळी भाजी सुद्धा भरवे चमच्याने कोणी नजर सांगते नकोच चमचा अधर घट्ट मिटले उघड पाकळ्या सोड मौन तू अता तरी गझले

इडली डोसा खमंग आप्पे अथवा सुरळी वड्या नको दाखवुस लालुच असली उघड आतल्या कड्या मनीमाऊला चीज हवे रे तेही ताजे ताजे नकोच उंदिर सोडच त्याला पीसी च्या मागे

जय जया जय जयघोषाने जय ना होय कधी हर्ष हर्ष हा शब्द जपत रे हर्ष न होय कधी हर्ष व्हावया विजयी व्हाया जप तू प्रीतीला खऱ्या खऱ्या भावना रांगड्या उतरव लढतीला