बाळगणेशा रूप साजिरे बाळगणेशा खूप साजिरे विघ्नविनाशक श्रावणी सरी बाळगणेशा धूप साजिरे कढवुन लोणी शुभ्र मिळविले बाळगणेशा तूप साजिरे जोहड विहिरी आड देखणे बाळगणेशा कूप साजिरे पाखडण्या धान्यास आणिले बाळगणेशा सूप साजिरे गझल अक्षरगणवृत्त (मात्रा १६) लगावली – गाललगागा/गालगालगा/

मला आवडे ग लिहायास काही तिला आवडे ग जपायास काही कुणी आवडेल तिलाही दिवाना फुला आवडे ग पहायास काही रुमालावरी न रुमालात पक्षी भला आवडे ग भरायास काही नको ते रितेपण वाट्यास तिचिया जिला आवडे ग विणायास काही धुंवाधार श्रावण आषाढ झिमझिम जला आवडे ग धरायास काही गझल अक्षरगणवृत्त (मात्रा १९) लगावली – लगागा/लगाल/लगागा/लगागा/

सावळा पाऊस ल्याली पुण्यनगरी श्रावणी धारांत न्हाली पुण्यनगरी मावळ्यांची संस्कृती इतिहास पावन आठवोनी चिंब झाली पुण्यनगरी लेखणीचे रक्षिण्या स्वातंत्र्य लढते रेखुनीया तिलक भाली पुण्यनगरी टिकवुनी बाणा मराठी इंग्रजीसम वाघिणीचे दूध प्याली पुण्यनगरी उगवतीच्या लालिम्याला प्राशुनीया दिव्य शोभे वीरकाली पुण्यनगरी गझल अक्षरगण वृत्त (मात्रा २४) लगावली – गालगागा/ ३ वेळा

मी आत्मसुंदरी आहे लढणार संगरी आहे निष्पाप माणसे माझी जपणार अंतरी आहे होतोय फायदा पुण्या हा न्याय भूवरी आहे आभाळ टेकले भूवर जिनदेव मंदिरी आहे मम् शस्त्र लेखणी भारी संदेश अक्षरी आहे चिखलात पत्रिका बुडली नक्षत्र अंबरी आहे आत्म्यास जाणता कोणी देवत्त्व कंकरी आहे गझल अक्षरगणवृत्त (मात्रा १४) लगावली – गागालगा/लगागागा/