पोट भराया येतो घरला – POT BHARAAYAA YETO GHARALAA


पोट भराया येतो घरला गोड धोड मज नको नको
वाढ भाकरी चतकुर अर्धी हाड हाड तू करू नको
करून योगा स्लीम जाहलो रोड रोड तू म्हणू नको
जरा गोबरे गाल जाहले जाड जाड तू करू नको
झोपूदे मज तप्त दुपारी वाड वाड  तू बकू नको
फळी हलवुनी भांडीकुंडी धाड धाड तू पाडु नको
पत्र प्रियेचे येता मजला ताड ताड तू उडू नको
एकांती वाचावे म्हणतो फोड फोड तू म्हणू नको
प्रीत-फुलांवर लिहिता काही खोड खोड तू करू नको
ओढुन ताणुन पान फाडुनी जोड जोड तू करू नको
नाद खरा मज गझलेचागं सोड सोड तू म्हणू नको
मम गझलांनी झाड बहरले तोड तोड तू करू नको


Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.