अक्षर छंद खूप आहेत खूप म्हणजे खूप
अनंतानंत छंद लिहून वाजवा आता सूप
एक अक्षराची एक ओळ एकाक्षरी छंद
दोन अक्षरांची ओळ म्हणजे दोनाक्षरी छंद
अशीच वाढवा अक्षरे होण्या अनंताक्षरी छंद
छंदांचा फार फार नका करू छंद
जास्तच कराल तर बनेल तो फंद
बरा आपला खळाळता स्वच्छ मुक्तछंद
मजेमजेने चाखावा छंदांचा गुलकंद
नियम पाळावे स्वतः!  दुसऱ्यासाठी सुद्धा!
हाच आहे निसर्गाचा आनंदाचा फंडा