Love is a soft and true relationship between human beings. As years passed its depth increases and hearts become pure. The inner beauty of love gives us joy.

निळ्या पापण्यांवरून फिरती
मोरपिसे ही नाजुक लोभस,
फुलून येती अन हृदयातिल
आठवणीतिल गुलाब राजस!

ब्रम्ह-कमळ नी निशिगंधासम
दवात भिजली लिली दिवाणी,
किती लाघवी कुंद-काकडा,
लाजलाजते कण्हेरराणी!

प्रीत हेत्त अन इश्क मोहोब्बत
शब्द भासती जरी निराळे,
वेगवेगळ्या नशेत झुलते
प्रेम कधी का असे आंधळे?

धवल गुलाबी गडद किरमिजी
ती शेलाटी मधुमालती;
नाजुक-साजुक गोकर्णीची
अंबाड्यावर माळे फांती…

कोण कशाला कुठे निघाले?
नका विचारू प्रश्न सारखे;
प्रीतसागरी डुंबायाला
जसे उतरले जळी पारवे!!