Tag: Marathi Nisarga-kavita

  • अनुभव – experience

    तृणपात्यांची लवलव सळसळ चिमणपाखरे करिती कलरव दाणे टिपता चाले पदरव भ्रमरांचा गुणगुण गुंजारव जुने तरीही भासे अभिनव रोमांचित मम अवघे अवयव अनुभूतीचा अनुभव सुंदर गझलेचा काव्यातुन उदभव शब्दांमध्ये मार्दव शैशव माधुर्यातिल आर्जव लोभस मात्रावृत्त -१६ मात्रा

  • शुभ्र झरा – pure spring

    शुभ्र झरा खळखळतो आहे तुषार अगणित दळतो आहे पूर्ण जरी ना कळला मजला थोडा थोडा कळतो आहे वेलींवरच्या कळ्या बघाया मागे मागे वळतो आहे जे झाले ते बरे तरीही उगाच तो हळहळतो आहे पदर उडविण्या मुग्ध प्रियेचा पवन किती सळसळतो आहे

  • वसंत गीत – Happy season’s song

    माघ फाल्गुनी वसंत वारे कृष्ण अंबरी अनंत तारे आम्रतरू गुलमोहर फुलतो बहर जोवरी तोवर झुलतो पक्षी उडती दिगंत सारे चैत्र उन्हाची रंग पंचमी गाते सरिता दंग संगमी गीत तिला जे पसंत गा रे ग्रीष्म काहिली येथे तगमग सहा ऋतुंची जेथे लगबग घेण्या अंमळ उसंत या रे मात्रावृत्त (८+८=१६मात्रा)

  • तरूतळी – beneath the tree

    या स्थळी तरूतळी स्वच्छ सुंदर झोपडी धरी शिरी सावली गर्द झुंबर झोपडी झुलतसे बाळ गुणी पांघरोनी गोधडी अंगणी सई विणे अंगडी अन टोपडी लिहित बसे गोप कोणी उघडुनी चोपडी दूर तिथे बोलण्यात दंगलेली चौकडी नगरजन  नित्य येती वाट करुनि वाकडी

  • निसर्ग – nature

    गोड फळांचा रस मिळवाया हृदयामध्ये हवीच गोडी आख्खा आंबा मिळूदे अथवा स्वच्छ बशीतून खाव्या फोडी संत्री बोरे चिक्कू द्राक्षे केळी पेरू अननस नारळ डाळींबाचा रस अमृतमय मधुमेहावर औषध जांभुळ फळे मिळाया झाडे लावू निगराणीने तया वाढवू निसर्ग जपण्या आणि फुलवण्या मनामनांतिल प्रेम जागवू

  • झाडांसंगे मैत्री – friendship with trees

    झाडांसंगे करून मैत्री चला गाउया गाणे चिमण्यांसाठी स्वच्छ अंगणी भरड पाखडू दाणे शकुन सांगण्या रोज कावळा उडून येता दारी न्याहरीस मग देऊ त्याला गरमागरम भाकरी गच्चीमध्ये रान पारवे नाचत येती जेव्हां वाढू त्यांना चघळायाला कडधान्याचा मेवा तहानलेला पक्षि अनामिक बनुन पाहुणा येता वाडग्यातुनी पाणी देऊ नाश्त्याला पास्ता सायंकाळी झोपाळ्यावर बसून झोके घेऊ दिवा लावुनी देवापुढती…

  • आले वर्ष नवे आले – new year came

    आले वर्ष नवे आले आले वर्ष नवे आले… रवि किरणांचा कनक पिसारा उजळुन टाकी परिसर सारा फुलवित शेत मळे… पुष्प सुगंधित बाग जाहली चिंता साऱ्या मिटवुन फुलली मोजित  घटका आणि पळे… आले वर्ष नवे आले आले वर्ष नवे आले…