सुनेत्रा नकाते

Tag: Marathi sahitya

  • तूच शोध आज चूक – TOOCH SHODH AAJ CHOOK (find your own mistake today)

    तूच शोध आज चूक तापवून आज भूक सांग फरक बघ म्हणून पोपटास आज शूक लूक काज शिवण टिपण लाव बटन आज हूक कर्म निर्जरा करून गाठलेस आज टूक गुच्छ हा बुके म्हणेल पुस्तकास आज बूक वृत्त – गाल, गाल, गाल, गाल.

  • धनादेश – DHANAADESH (check)

    धनादेश मी दशकोटीचा कटले नाही उठवुन ठेंगा अंधपणाने वटले नाही काचपात्र मी शुद्ध जलाचे सुबक ठेंगणे पितळी कळशीच्या धक्क्याने फुटले नाही मात्रावृत्त (८+८+८=२४मात्रा)

  • विद्युल्लता – VIDYULLATAA (a bright flash of lightning)

    नेत्र मिटता राधिकेचे श्याम बघण्या अंतरी मेघ झुकती अंबरीचे वर्षण्या मातीवरी पकडण्या वाऱ्यास वेड्या नाचुनी विद्युल्लता हात धरता वारियाचा कोसळे धरणीवरी वृत्त – गा ल गा गा, गा ल गा गा, गा ल गा गा, गा ल गा.

  • नाताळ – NAATAAL (Christmas)

    येणार नाताळ नाताळ सुंदर झालंय आभाळ देऊया भेटी नाजूक नाती जपण्य़ा साजूक नाताळबाबाशी बोलूया मजेत गाणी गाऊया

  • सत्यशोधन – SATYA-SHODHANASATHI (for finding the truth)

    भरड पिठाची, केली पोळी, सत्यशोधनासाठी मी कर्मांची, केली होळी, सत्यशोधनासाठी नीटनेटके, रचुन स्मृतींना, बांधियले प्रेमाने जळी बुडविण्या, केली मोळी, सत्यशोधनासाठी अहंकार अन, मिथ्यात्वाचे, करुन वस्त्रगाळ चूर्ण सहज फेकण्या, केली गोळी, सत्यशोधनासाठी मत्त वासना, तुडवुन पायी, जुळवुन दो हातांना ओंजळिची मी, केली झोळी, सत्यशोधनासाठी एकएकटे, कषाय गाठुन, कत्तल करण्यासाठी देवगुणांची, केली टोळी, सत्यशोधनासाठी मात्रावृत्त(८+८+१२ =२८ मात्रा)

  • कातरवेळी – (“In the twilight hour”)

    धगधगत्या अग्नीत तावुनी, शुध्द जाहले! असत्यास मी, ठार मारण्या, सिध्द जाहले! वसुंधरेवर, जीवन फुलण्या, प्रपात असुनी; धबाबणारा!  शृंखलेत मी, बध्द जाहले! सुरभित शीतल, लहर असोनी, बघुन भडाग्नी; हपापलेला! क्षणभर चंचल, क्रुध्द जाहले! तन मन कणखर, बंध अनामिक, तोडण्यास मी; कर्म जाळले! कातरवेळी विध्द जाहले! सांजवात लावून अंतरी, बघत राहिले… समाधीत मम, रमण्यासाठी, बुध्द जाहले! मात्रावृत्त…

  • अमीर – AMEER (rich)

    मम हृदयी तू भगवंता होना आता स्थीर अंतर्यामी वाहूदे शुद्ध भक्तिचे नीर क्षीरोदधिच्या स्नानाने धवल होउदे धीर तूच औषधी आतारे मिटवाया मम पीर तप करुनी मी ज्ञानार्थी सोडत आहे तीर झेलायाला उभे इथे कषाय त्यागुन वीर चरू म्हणूनी मी अर्पे शब्दफुलांची खीर तीर्थंकर हे नाम तुझे पायाशी तसवीर हस्त जोडुनी ठेवावी घडीव सुंदर चीर पंचइंद्रिये…