गोरी गोरी राधा गवळण जळात जाळे सोडे फिरवुन जाळे बुडता पाण्यामध्ये मासे फिरती झुळकन सुळकन लहरत विहरत जाळ्याभवती कुणी अडकते तयात पटकन मासोळी कुणी चंचल चपला निसटे जाळ्यातुनही पटकन जाळे फेकत काठावरती हसते गोरीमोरी गवळण भरले मडके घेउन येई घरी आपुल्या ठुमकत गवळण मडके ठेउन तुळशीपाशी साळोत्याने झाडे अंगण मात्रावृत्त(१२+४ =१६ मात्रा)

पृथ्वी धरती भूमी ताई करिते नावे धारण सुंदर क्षमाशीलता तिची प्रकृती मौन घनासम पावन सुंदर शुभ्र मोगरा पर्णदलातिल सुरभित कोमल तसे शब्द हे मार्दव असते या कुसुमांसम तसेच बोलू आपण सुंदर हृदयापासुन खरे बोलतो वचनांसम त्या कृतिही करतो तोच खरा रे गुरू दिगंबर त्याचे आर्जव पालन सुंदर शौच शुद्धता अंतःकरणी असते तेव्हा ते अतिमोहक अश्याच…