थोडी नाही थोडी नाही
होना खूप वेडी
स्वतःमधल्या शहाणीला
करना पुरती वेडी
म्हण तिला लाडे लाडे
शाणुबाई उठा
इग्गो बिग्गो अग्गो असला
सोडा खुळचटपणा
आवाजात भसाड्या
गाणे गुणगुणा
ठोकून द्या थाप म्हणा
हाच राग तोडी…
थोडी नाही थोडी नाही
होना खूप वेडी
स्वतःमधल्या शहाणीला
करना पुरती वेडी
शेजारणीशी जोरजोरात
करा गप्पाटप्पा
उघडून टाका मनाचा
कुलूपबंद कप्पा
अंगण झाडा खराट्याने
उचला राडारोडी
थोडी नाही थोडी नाही
होना खूप वेडी
स्वतःमधल्या शहाणीला
करना पुरती वेडी
म्याचींग फिचींग इस्त्री बिस्त्री
नक्को वेणीफणी
केस पकडा हाताने
बांधा एक पोनी
खोखो खोखो हसा काढून
स्वतःचीच खोडी …
थोडी नाही थोडी नाही
होना खूप वेडी
स्वतःमधल्या शहाणीला
करना पुरती वेडी
झऱ्याकाठी जाऊन फिरा
पाण्यामध्ये नाचा
सूर्यास्ताचे रंग बघा
उंचावून टाचा
सैर कराया पाण्यामध्ये
सोडा आता होडी
थोडी नाही थोडी नाही
होना खूप वेडी
स्वतःमधल्या शहाणीला
करना पुरती वेडी