This Ghazal is written in aksharganvrutta.
The vrutta is: LA GAA GAA, GAA LA GAA, GAA GAA – LA GAA GAA, GAA LA GAA, GAA GAA.
In this Ghazal two kafiyas are used. This type of Ghazal is known as ‘Jul-kafiya Ghazal.
Radif of this Ghazal is ‘kunala kay mee sangu?’ It means ‘what should I tell anyone? There is nothing to tell. You should experience it by your own ‘SOUL’.

कसे मी तोडले तारे, कुणाला काय मी सांगू?
कसे मी कापले वारे, कुणाला काय मी सांगू!

कशाने भ्यायले इतुकी, ससाही लाजला तेव्हा;
असेका वागले न्यारे, कुणाला काय मी सांगू!

फुकाचे कष्ट मी केले, कराया गोड हो सगळे;
तरी ते वाटले खारे, कुणाला काय मी सांगू!

छळाया शब्द हे  येती, कशी मी एकटी जागी;
कशाला झोपले तारे, कुणाला काय मी सांगू!

निखारा कोंडला ‘मी’ ने, तरी मी भाजले मांडे;
जरीना पोचले वारे, कुणाला काय मी सांगू!

पुऱ्या या लाटल्या ‘तू’ ने, उकळले तेल मग मीही;
तळाया ठाकले झारे, कुणाला काय मी सांगू!

घशाशी हुंदका अडता, जिभेचा बर्फ का बनला?
नयन का जाहले घारे, कुणाला काय मी सांगू!

चव्हाटी रंगल्या चर्चा, उडाले रंग का माझे?
फुलांनी चोरले सारे, कुणाला काय मी सांगू!

हळू मी लाकडे रचली, सुताने बांधल्या मोळ्या;
उन्हाने पेटले भारे,  कुणाला काय मी सांगू!

वृत्त- ल गा गा, गा ल गा, गा गा, ल गा गा, गा ल गा, गा गा.