धगधगत्या अग्नीत तावुनी, शुध्द जाहले!
असत्यास मी, ठार मारण्या, सिध्द जाहले!
वसुंधरेवर, जीवन फुलण्या, प्रपात असुनी;
धबाबणारा! शृंखलेत मी, बध्द जाहले!
सुरभित शीतल, लहर असोनी, बघुन भडाग्नी;
हपापलेला! क्षणभर चंचल, क्रुध्द जाहले!
कणखर असुनी, बंध अनामिक, तोडण्यास मी;
कर्म जाळले! कातरवेळी विध्द जाहले!
सांजवात लावून अंतरी, बघत राहिले…
समाधीत मम, रमण्यासाठी, बुध्द जाहले!
मात्रावृत्त (१६+८ = २४ मात्रा)