This Ghazal is written in aksharganvrutt. Vrutt is GAA LA GAA, GAA LA GAA, GAA GAA, GAA LA GAA, GAA LA GAA, GAA GAA.
In this Ghazal the poetess says, now I am very happy and I want to sing a song.

ये अता गीत रे गाऊ बासरी हासली माझी
ये लिही प्रीतिची गाणी लेखणी तापली माझी

चंदनी टाक हा माझा सावळी दाट ही शाई
मी पुन्हा नाव तव लिहिता वासरी गायली माझी

ती कशी चूक रे मानू सांगना एकदा मजला
ताठ मी राहिले तेव्हा मान ना वाकली माझी

मोकळे बोलले थोडे हा गुन्हा काय हो माझा
वेड ना लागले होते भावना नाचली माझी

चालते धावते आता हे किती सोबती माझे
मी गुजे  सांगता मनिची तुज गझल भावली माझी

वृत्त-गा ल गा, गा ल गा, गा गा, गा ल गा, गा ल गा, गा गा