साद घाली कुणी सुनेत्रा सुनेत्रा
नाव ध्यानी मनी  सुनेत्रा सुनेत्रा

आसवांनी खऱ्या फळावे गळावे
भावना घुसळुनी सुनेत्रा सुनेत्रा

प्रेम होते जरी कसे ना कळाले
मिळव ते देउनी  सुनेत्रा सुनेत्रा

सर्व काही तुला मिळाले उशीरा
पण तरी हो ऋणी  सुनेत्रा सुनेत्रा

पूर्व पुण्याइने मिळाली क्षमेची
भाग्यशाली फणी  सुनेत्रा सुनेत्रा

मेघ गातीलही अता पावसाळी
शब्द हे वर्षुनी  सुनेत्रा सुनेत्रा

सत्य येणार बघ तुला भेटण्याला
नाचुनी गाउनी  सुनेत्रा सुनेत्रा

शांत ती तृप्त ती करोनी खुलासे
माय माझी गुणी  सुनेत्रा सुनेत्रा

जाहले चिंब हे हृदय तव ‘सुनेत्रा’
गा अता वाहुनी  सुनेत्रा सुनेत्रा

वृत्त – गा ल गा, गा ल गा, ल गा गा, ल गा गा.