-
प्रेमभावे – PREMBHAAVE
सुचत जाते काव्य मजला लिहित जाता प्रेमभावे नित्य नेमी घाट अवघड चढत जाते प्रेमभावे हृदय बोले अंतरीचे बोल काही साठलेले दूरवर रानात वेणू वाजवी कुणी प्रेमभावे भोवताली कोण आहे भान का ठेवू अता मी फिरत राही चक्र नेमे फिरविता मी प्रेमभावे वृक्ष वेली डोलताती पाखरे गातात जेव्हा अक्षरेही सजीव होउन नाचताती प्रेमभावे प्रेमभावाविन न मुक्ती…
-
आज वाटते- AAJ VAATATE
आज वाटते पाऊस यावा माझ्याहुनही चिंब भिजावा थेंब टपोरे मौक्तिक झरझर केसांतुन यावे गालावर जुनी पुराणी छत्री तरीही पुन्हा धरूया तिज डोईवर तशात येता सुसाट वारा वेचाव्या छत्रीतच धारा हातगाडीशी थांबुन क्षणभर कणसे खावी चोळुन मिरपुड रस्त्यावरती पाणीच पाणी गाऊ रचुया पाऊस गाणी येईल पाऊस येईल पाऊस रडविण्यास त्या वेड्या भाऊस
-
काव्यजल – KAAVY-JAL
माय मराठी प्राणाहुन प्रिय मरगठ्ठे जन गर्जा जय जय कुंडलिका अन नीरा पवना मुळा मुठा वारणा कोयना महाराष्ट्र मम सुजला सुफला शिवबा शंभू जेथे लढला कभिन्न कातळ फोडित पत्थर स्वच्छ जले झुळझुळती निर्झर ज्ञानदेव नामा तुकयाची अभंग गाथा ओवी साची पुणे मुंबई मावळ डगरी खऱ्या शोभती उद्यम नगरी वाऱ्या वाऱ्या घुमव बासरी ओत काव्यजल भरुन…
-
पथ हा निर्जन – PATH HAA NIRJAN
पथ हा निर्जन स्वच्छ मोकळा पिवळ्या पुष्पांनी सजलेला पुढे दुतर्फा वृक्ष देखणे पर्ण रहित घन गर्द फुलोरा दूर दूर पथ कोठे जाई भेटायाला कुठल्या गावा स्वच्छ बाकडी सुनी सुनी ही कुणी न त्यावर बसावयाला धरणीवरती श्याम सावळ्या आकाशाची निळसर छाया पीत फुलांचा सडा भूवरी झुळूक स्पर्शते हरित तृणाला कोणासाठी कुणी बनविला सुंदर झुळझुळता हा रस्ता
-
मिसळ मिसळ – MISAL MISAL
मिसळ मिसळ तू मिसळ भावना पुदगल शब्दांमधे भरत भरत तू अर्थ नेमके अनवट शब्दांमधे घुसळ घुसळ तू साय दह्यातिल लोणी काढायास तूप कढवुनी ओत त्यास तू कडवट शब्दांमधे फुलव फुलव तू फुलव मनाला येण्या खुदकन हसू हनुवटीवरची खळी रुतुदे अडमुठ शब्दांमधे उडव उडव तू घरभर चेंडू मनात टप्पे मोज मनातले तेवढेच टप्पे उतरव शब्दांमधे भरव…
-
बिंब – BIMB
जेव्हा प्रिय मम डोईत घुसते नशा तयाची चढते चढते पुरती मी मग वेडी बनते अप्रियांचे वेड काढते अन प्रियांना वेड लावते… डोईमधल्या अनंत खोल्या गडद जांभळ्या पडदेवाल्या खोल्यांमध्ये प्रिय मग शिरते सामानाला विखरुन देते बंद कपाटे उघडुन सारी सामानाला विखरुन देते विस्मृतीतल्या घड्या चाळते दुःखालाही चिडवित बसते चिडवुन चिडवुन रडव रडवते रडताना मग खो खो…
-
मिसळ – MISAL
कधी खावी मिसळ कधी मटकी उसळ मटकी मोडाची मैत्रीण लाडाची मैत्रीण गोरटी नजर चोरटी नजर लागली बाहुली सुकली बाहुली नकटी सुंदर छाकटी सुंदर सुंदर कित्ती बिलंदर बिलंदर माऊ चल साय खाऊ साय आणि साखर मायेची पाखर मायेचं माहेर माहेरची वाट वाटेतला घाट घाटातली झाडी झुकझुक गाडी गाडी गाते गाणे पाखरू दिवाणे …….