एवढ्या गर्दीत होते एकटी जाहली जाणीव पण ती शेवटी ते मला म्हणतात ताई का बरे मी जरी आहे तयांहुन धाकटी जर रजा आहे हवी तर वाज रे मोकळे बरसून वेड्या घे सुटी सर्वजण म्हणतात मजला सावळी फक्त प्रियला वाटते मी गोरटी मी तुला सांगेन जे ते ऐक तू मी खरेतर गोरटी ना गोमटी

मनात माझिया तुझ्या तसेच ते असेलही नसेलही तुला खरे कळूनही वळे न ते असेलही नसेलही हवेत मस्त गारवा तशात गात चालले धुके निळे तुला न का मलाच ते लपेटते असेलही नसेलही कधीतरी कुठेतरी तुला निवांत भेटण्यास यायचे कशास ही खुळ्यापरी मनोगते असेलही नसेलही दवात चिंब न्हायल्यावरी तुला दिसे कुणी जळी स्थळी विभोरता तुझी हवी मला…