सुनेत्रा नकाते

तुझ्या माझ्या गोष्टीमध्ये एक कौलारू घर होते प्राजक्ताच्या झाडाखाली मोती-पोवळ्यांचे सर होते तुझ्या माझ्या गोष्टीमध्ये व्हिलन बिलन कधीच नव्हता धो धो कोसळणारा फक्त वेडा पाऊस होता तुझ्या माझ्या गाण्यामध्ये दुःख उसासे कधीच नव्हते दवात भिजल्या भाव फुलांचे एक सुंदर गाव होते तुझ्या माझ्या प्रीतीमध्ये अन्तर शून्य शून्य होते अंतरीच्या पाण्यामध्ये तुझे प्रतिबिंब होते तुझ्या माझ्या…

एक साधी सरळ कविता माझ्या तुमच्या लेकींसाठी अधिक सुख मिळूदे भावास म्हणून झटणाऱ्या बहिणींसाठी …. भाऊ जपतो आईला आई त्यांच्या बापाला आईबाप जिवंत ठेवतात लेकींसाठी माहेराला…. माहेराच्या वाटेवरचे काटे कधी बोचत नसतात सासरघरची कळ्या फुले जिवाला जीव लावत असतात…. सासर असतं लेकींसाठी काम धाम करण्यासाठी हातावरच्या रेषांना सुरेख वळण देण्यासाठी….