सुनेत्रा नकाते

दुपार आहे टळटळीत चल सई अडगळीत जात्यावरती दळूया घाम थोडा गाळूया शिडी लावून सरसर चढू वर माळ्यावर माळ्यावरची खोकी त्यात घालू डोकी शोधू काहीबाही नको करू घाई दिवा लाव दिवा शोध जुना तवा पूस घसाघसा दिसेल मस्त नवा नको भिऊ बिऊ आला जरी बुवा उघड उघड खिडकी येईल थंड हवा बघ निळ्या आकाशात पाखरांचा थवा

सकाळी सकाळी कोंबडा आरवे कडधान्य खाण्या अंगणी पारवे गोठ्यातली म्हैस रवंथ करते रेडकू खुंट्याच्या भवती फिरते सकाळी सकाळी म्हणत भूपाळी आजीबाई फिरे गव्हाळी गव्हाळी वासुदेव येतो नाचत नाचत धान्य ओते माय तयाच्या झोळीत सकाळी सकाळी पूजा मंदिरात अष्टद्रव्य घेते आई तबकात मंदिरात जाई माझी छान आई तिच्यासवे जाण्या किती माझी घाई सकाळी सकाळी मोगऱ्याची फुले…