-
जरी जाहल्या, कैक चुका – JAREE JAAHALYAA KAIK CHUKAA
प्रियच आहे, अजुन मला मी, जरी जाहल्या, कैक चुका अचुक दाबे, गुप्त कळा मी, जरी जाहल्या, कैक चुका स्वरुपसुंदर, फूल कन्यका, पुत्र गुंड मम, पुरुषार्थी सतत गाता, खुला गळा मी, जरी जाहल्या, कैक चुका सलिल वाहे, मम काव्याचे, प्रेम वाटण्या, हर्षभरे सत्य आहे, नव्हे बला मी, जरी जाहल्या, कैक चुका गिरव गझला, मुक्त कराने, अर्थ…
-
करवली – KARAVALEE
कुंकू हळदी, नेसुन शालू, झाले वरमाई! गुंजत आहे, कानामध्ये, मंजुळ शहनाई! मांडव दारी, तोरणात बघ, आंब्याची पाने! प्राजक्ताला, सांगत आहे, सुगंध फुलजाई! पिता वराचा, स्वागत करण्या, फेटा बांधुन उभा! दिल्या घेतल्या, आनंदाची, करण्या भरपाई! लेक करवली, घेउन चाले, दीपज्योत हाती! राजस सुंदर, लेक हासरा, हसते हिरवाई! वधू सुंदरी, गुणी लाजरी, करात वरमाला! ऐक अंबरा, उधळ…
-
ऐसा लौकिक – AISAA LOUKIK
स्त्री रत्नाचा ऐसा लौकिक कनक कोंदणी जैसा मौक्तिक लौकिक मौक्तिक असेल भौतिक बाल मनाला त्याचे कौतिक हृदय मंदिरी देव कैक पण शुद्धात्म्याचा थाट अलौकिक अंतरात जरी मूढ गूढता मृदू कुणाची वचने मौखिक विशुद्ध भक्ती ज्ञान देतसे अनुभूतीचा प्रत्यय मौलिक मात्रावृत्त(८+८ =१६ मात्रा)
-
गरज – GARAJ
गझल कसली बालिकाही गिरवते बाराखडी वाचताना भासतेही चांदण्यांची फुलझडी चांदणे फुलवीत जाते मुग्ध माझी भावना काव्य मग घेऊन येते रंगलेली गुलछडी गझल माझी मौन घेते लाविते दारा कडी शेर माझे कोंडलेले तापले काढा कडी तापल्यावर शब्द पुद्गल अर्थसुद्धा पांगले भाव सुंदर जाणणारी हीच ती असते घडी निर्जरेने प्राण माझा मोकळा झाल्यावरी गरज ना दारास माझी…
-
आयुष्यावर – AAYUSHYAAVAR
प्रेम करायचे असते बघ आयुष्यावर ओझे नसते बनायचे बघ आयुष्यावर आयुष्याचा हिशेब नसतो मांडायचा आठवणींचा अल्बम असतो जपावयाचा आयुष्यावर म्हणुन लिहावी सुंदर गाणी त्यात भेटते आपल्यामधली कुणी दिवाणी म्हणायचेना अशी दिवाणी असा दिवाणा प्रेमामध्ये समान सारे नसे बहाणा नुसते तू तू नुसते मी मी रोग मनाचे मीपण तूपण पथ्यापुरते जपावयाचे मीपण बघण्या वेळ जरासा मनास…
-
एक करंजी – EKA KARANJEE
एक करंजी खूपच रुसली कढईमध्ये बघ धडपडली चिडून कढई तिथून उठली चुलीवरी अन जाऊन बसली कढई मग तेलाने भरली फूंक मारिता चूल पेटली तेलालाही उकळी फुटली ताप तापुनी उकळ उकळली शुभ्र करंजी तयात फुगली बघून झारा खुदकन हसली थाळीमधल्या जळात पडली मासोळीसम त्यात पोहली बाळोबाने तिला उचलली चोखुन चावुन गिळुन टाकली
-
पाणी – PAANEE
गोठुन पाणी हिमनग बनतो। तापुन उकळुन तो ढग बनतो।। वाऱ्यासंगे मेघ विहरतो। जणू नभातिल तो खग बनतो।। धवल व्हावया जलद धावतो। नक्षत्रातिल तो धग बनतो।। शुभ्र मेघना वायू वरतो। शीतल अवखळ तो मग बनतो।। वस्त्र विजेचे घन पांघरतो। तडतड वर्षत तो टग बनतो।। मात्रावृत्त (८+८ =१६ मात्रा)