-
अंगण गाणे – ANGAN GAANE
चलागं पोरींनो गाऊया अंगणी रांगोळी काढूया रेषेतं ठिपके मांडूया कलेकलेने जोडूया चित्रातं घरकुल सजवूया घरासं खिडक्या ठेवूया दारासं तोरण बांधूया गाईची पाऊले रेखूया गाईला गोठ्यात आणूया वासरां जवळ घेऊया दोघांना चारा घालूया झऱ्याचं पाणी पाजूया अंगणी रातीला जमूया उखाणे सुंदर गुंफूया झिम्मा नी फुगडी खेळूया चंद्राचं चांदणं पेरूया
-
चपला – CHAPALAA
व्यर्थ कुठे हळहळली नाही अधेमधे ती वळली नाही सुबोध भाषा या गझलेची पण मूढांना कळली नाही नागीणीसम असून चपला भिववाया सळसळली नाही जरी पेटली जरी भडकली कुणावरीही जळली नाही तेल तापता फुलून आली अर्धी कच्ची तळली नाही वादळ गारांच्या माऱ्याने फांदीवरुनी गळली नाही परिघामधुनी सहजच सुटली इथे तिथे ओघळली नाही मात्रावृत्त (८+८=१६मात्रा)