सुनेत्रा नकाते

जुना पुराणा नेल कटर धार पुन्हा परजेल कटर कराकरा कापुन टाळा शटर नवे उघडेल कटर गंज ब्लेडच्या पानांचा पुन्हा पुन्हा खरडेल कटर खोचुन बोथट सुरे बिरे सीट कव्हर फाडेल कटर तत्त्वार्थातिल सूत्र धरुन जीवाला जगवेल कटर भीतीची झटकुन झुरळे असत्त्यास मारेल कटर वेळ सुनेत्रा मम साधुन पाठवेल ई मेल कटर

मेरुस्तंभ मम जिनालयाचा भक्कम पाठीशी कार्य कराया आत्महितास्तव कायम पाठीशी सिद्धासन धनुरासन माझे जिनमूर्ती पुढती नित्य पहाटे आसनमुद्रा उद्यम पाठीशी शब्द अक्षरे नित्य परजुनी धार तयां लावते स्वमन जिंकण्या दशधर्मातिल संयम पाठीशी जीव जगाया जीवनदायी रस पाजे भूमी सृष्टी जपण्या पंचभुतांचा आलम पाठीशी घाम रक्त सांडून निर्जरा सुनेत्रास करण्या पुण्याईच्या संचितातली रक्कम पाठीशी