कीड नडली पुन्हा बहर नडले कुठे पूर्ण उमलूनही पुष्प खुडले कुठे लाल अंगांग झाले रगडले कुठे चोर रंगेल हाती पकडले कुठे हा उन्हाळा नव्हे पावसाळा नव्हे नीर सांडे तरी भाव रडले कुठे मत्स्य भरतीतले रास जाळ्यामधे तप्त वाळूत मीन तडफडले कुठे कर्म प्राचीन जर धर्म संयम हवा कैक उपचार पण रोग झडले कुठे वीज नाचूनही…

पंकात वासनेच्या रुतले कधीच नाही कमळातले अली पण डसले कधीच नाही चढवून चिलखताला चिखलात खोल गेले तेथे निवास करणे रुचले कधीच नाही रंगून राजधानी सुकुमार भावनांची व्यापार त्यात करुनी फसले कधीच नाही घोटून अक्षरांना केली अशी करामत ठिणग्या करात फुलल्या विझले कधीच नाही तपवून पाप गेले देऊन पुण्य आले भिजले कृतज्ञ भावे रुसले कधीच नाही…

बहिणी खरेच सच्च्या भावांस जागणाऱ्या लावून अर्थ हितकर नावांस जागणाऱ्या जेथे न फक्त चर्चा चारित्र्य पूजिती त्या ओढाळ अंतरीच्या गावांस जागणाऱ्या मांडून चूल दगडी मी भाकऱ्यांस थापे घन तापल्या तव्यांच्या तावांस जागणाऱ्या जे घाव तू दिले मज भरुनी तयांत सौरभ फुलती कळ्या सुगंधी घावांस जागणाऱ्या जिंकावयास हृदये उधळू सयी सुनेत्रा मागून घेतलेल्या डावांस जागणाऱ्या