कुलुपांसाठी किल्ल्या बनवे की पर्सन मी मोह न मजला कुठला झुकवे की पर्सन मी कलम फिरवुनी कड्या उचकटे उखडे झटपट अजस्त्र टाळा खोलुन हलवे की पर्सन मी टाळ्याला अभिषेक घृताचा वेदीवरती मनोज्ञ दर्शन भक्तां घडवे की पर्सन मी शांती तृप्ती मिळण्या जीवा कैक प्रकारे मंदिरातली घंटा बडवे की पर्सन मी चोरांच्या उलट्या बोंबांना बुकलून छान…

इंद्रधनुष्य हा शब्द गुंफलेले वेगवेगळ्या वृत्तातील सात शेर(मतल्याचे) इंद्रधनुष्यातील रंग मी पेरित गेले मातीत उगवुन आले रंगीत हात विणण्या झेले मातीत क्षितिजावर ये इंद्रधनुष्या बसेन तुझिया पंखांवरती सप्तसुरांचे धागे जोडत झुलेन तुझिया पंखांवरती इंद्रधनुष्या दे तव मजला रंग उधळण्या देइन मी तुज गझलेमधले ढंग उधळण्या मृगजळ आणिक इंद्रधनुष्याला मी केव्हा माया म्हटले होते कलम जादुई…

पंचकर्म आयुर्वेदातिल खूप लाभकारी बस्तीसाठी साजुक आहे तूप लाभकारी अभ्यंगाने स्नेहन करुनी पूर्ण शरीराचे वाफ दिली जर कायेला तर रूप लाभकारी भाळ शिरावर धार औषधी तेल नि काढ्याची जणू मनाला शांत कराया भूप लाभकारी उदवर्तन अन नस्य करावे गरज असे तेव्हा जसे कीटकां पळवायाला धूप लाभकारी हवा अन्न पाणी निर्जंतुक मिळण्या जीवांना डोंगर निर्झर शुद्ध…

दुःखद आहे टाळ तिला अशक्य मग खंगाळ तिला निजण्या दे भूमीची चटई पांघरण्या आभाळ तिला ओंगळवाणी दिसली जर तर नको म्हणू वंगाळ तिला दाभण घेवुन उसवायाचे प्रश्नांचे जंजाळ तिला फुटकी गळकी जुनी बादली स्नाना दे घंगाळ तिला

आभाळातिल सजल घनांची भाऊबीज ओवाळी जलदांस अंबरी ताई वीज धारारूपी गझलेचे उलगडण्या राज वाटिकेत फुलवून पिसारा मयुरा भीज जरी रिक्त जाहलेत बरसुन अक्षर मेघ भरुन पावती पण त्यागाचे होता चीज इंच इंच लढवाया डोंगर काव्यगंगे माय चंदनी खोड होउनी सोसू झीज स्वातंत्र्यातिल झोप सुखे घेण्यास भावा झऱ्याकाठच्या सारवलेल्या कुटीत नीज गझल मात्रावृत्त (२३ मात्रा)