Tag: Marathi Kavita

  • बेला सुंदर – beautiful time

    सांज समय बेला सुंदर उजळ आत्मियाचे मंदिर निरांजनी तूप स्नेह पूर्ण त्यात भिजव वात पेटवून शुभ्र ज्योत णमोकार मंत्र म्हणत भजन म्हणू खास खास विरण्यास भ्रम भास चित्त ठेव चैतन्यात कैवल्याच्या चांदण्यात डुंब ज्ञानसागरात रमव मन दर्शनात सांज समय बेला सुंदर रम्य आत्मियाचे मंदिर

  • कालसर्प – “serpent of time defect”

    राहू-केतू कुंडलीतना मनात अपुल्या आहे कालसर्प हा पत्रिकेत ना विकृतीत आहे कशास पूजा निवारणाला दोष मतीतच आहे सम्यकत्वी जो असतो त्याला वीष न असले चढते मिथ्यात्वाचे पालनपोषण अज्ञानाने होते अज्ञानाला दूर करूया धर्म खरा जपण्या सम्यकज्ञानी शूर वीरांची चारित्र्ये फुलण्या

  • कॅमेरे – CAMERAS

    बास झालं लिहिणं बिहिणं चल आता हुंदडायला अंगणातल्या झाडावरचे पिवळे गुलाब मोजायला उमलते गुलाब टपोऱ्या कळ्या खिदळतात हसतात वेड्या खुळ्या डोळ्यांचे कॅमेरे दोन दोन फुलांचे फोटो घेतंय कोण हिरव्या पोपटी पानांवर गुलाबाच्या गालिच्यावर प्रेम तुझं नि माझं हसतंय पाकळी पाकळ्यांवर तेवढ्यात आल्या कित्ती बाया साळकाया अन माळकाया फुलं तोडून पसार झाल्या माझं हसू घेऊन गेल्या…

  • कविता रडली – poem cried

    माझ्यामध्ये गझल उमटली तेव्हा माझी कविता रडली रडता रडता हसू लागली टपोर मोती उधळत खुलली फुलली गळली पुन्हा प्रकटली मुग्ध कळ्यानसम लाज लाजली लाजेचीही लाज वाटता ठिणगीसम ती फुलू लागली पाऊस पाडून मग ठिणग्यांचा लज्जेला ती जाळत गेली निर्लज्जांसम निडर बनली वीज होऊनी गगनी गेली मेघांना ती चोपून आली झरझर धारा वर्षत असता त्यांच्यासंगे नाच…

  • चळवळ – movement

    पुन्हा नव्याने सुरू करूया चळवळ जैनत्वाची शुद्ध जाहल्या जलात उठुदे सळसळ जैनत्वाची विशाल व्यापक जाणिव जागृत धर्मामध्ये असण्या नको नाटकी अता वहाया भळभळ जैनत्वाची बौद्धत्वाचा हिंदुत्वाचा ब्राम्हण्याचा हेका सैल करावा सुखद वाहण्या झुळझुळ जैनत्वाची शीख पारशी मुस्लिम ख्रिस्ती अपुले बांधव हे त्यांच्यासंगे निर्झर व्हावी खळखळ जैनत्वाची क्षात्रतेज अन छात्र गुरूंचा मस्त मराठी बाणा तीर अक्षरी…

  • जलद तोटी – tap of cloud

    कश्शाला पाऊस पडेल सांगा कशाला पाऊस पडेल बाई हृदय भरून येतच न्हाई वाऱ्याची झुळूक चुंबत नाही सच्छिद्र देह झरत नाही डोळ्यात आसवे भरत नाही पापण दले हलत नाही पाऊस थेंब पडत नाही लिहीग सई काहीबाही लिहित रहा मंगल गाणी दवाच्या बिंदूंचे साठव पाणी मिसळ त्यात गारांचे पाणी बुडव तयात मातीचे हात सारव तयांनी अंगण गात…

  • मल्हार राग गाऊ – will sing raag malhar

    डोळ्यात साठलेला घनगर्द भाव पाहू मेघात दाटलेला मल्हार राग गाऊ उडवीत मृत्तिकेला वाहील मस्त वारा जलदातुनी सुखाच्या वर्षोत प्रेमधारा नाचोत पंचभूते देहात कोंडलेली तुटूदेच साखळीही हृदयास काचणारी हातात हात घ्यावा तू नाचऱ्या विजेचा कर श्वास मोकळा तू मौनातल्या धरेचा ही वीण घट्ट मी ची उसवेन मी स्वतःही आभाळ बरसता हे बरसेन मी स्वतःही