पाऊस यावा अंगणभर अंगांगी काटे कुंपणभर आवाज यावा ढगी गड गड पडाव्या गारा छपरावर वेचाया हातांची ओंजळ करू मुठीत मोठाल्या गारांना धरू मंडपी चिंब जाई नि जुई जा ग जा चिऊ घरट्यात बाई जा उड रे काऊ शुभ शुभ गाऊ शिशिरात बुडण्या धारांत न्हाऊ

पाऊस धारा वाऱ्यात नाचत येती दारात फुलवाल्या सुंदर बाला फुले ओविती हारात फिरवित छत्री निळी निळी सखी निघाली तोऱ्यात हूड वासरू भुकेजले तोंड घालते भाऱ्यात कशास तुलना हवी बरे सुई आणखी दोऱ्यात मुक्त मनाला हुंदडुदे नकोस ठेऊ काऱ्यात मुग्ध काव्य मम हृदयातिल उठून दिसते साऱ्यात