This Ghazal is written in Aksharganvrutt.
Vrutt is LA GAA GAA, LA GAA GAA, LA GAA GAA, LA GAA GAA.
In this ghazal radif is ‘nakore’ and kafiyas are dupaaree, hushaaree, pagaaree, gataaree, sataaree, supaaree, jugaaree, khumaaree.

तुझा खेळ न्यारा, दुपारी नकोरे;
तुझी ती फुकाची, हुशारी नकोरे!

हवी सून सुंदर, जशी लेक अवखळ;
परीचारिका ती पगारी नकोरे!

खुले रात काळी, मढे  दागिन्यांनी;
अवस म्हण दिव्यांची, गटारी नकोरे!

हळद-कुंकवाच्या, सणाला लुटाया;
हव्या बासऱ्या मज, सतारी नकोरे!

किती गोड खाऊ? चघळण्या जिभेवर;
हवा वेलदोडा, सुपारी नकोरे!

पती देव नसतो, सखा सोबती तो;
करो चाकरी पण, जुगारी नकोरे!

हृदय सत्य सांगे, सुखाने जगाया;
बदामी पुड्यांची, खुमारी नकोरे!

वृत्त -ल गा गा, ल गा गा, ल गा गा, ल गा गा