काय लिहू मी – KAAY LIHOO MEE


काय लिहू मी कैसे बोलू शब्द थांबती अडखळती
मौन मुग्ध मन सखा सोबती अश्रू गाली झरझरती

कधी अचानक बांध फुटोनी भावभावना फुसांडती
अज्ञाताच्या कड्यावरोनी आवेगाने कोसळती

प्रश्न दाटती कैक मानसी उत्तर त्याचे मिळेलका
पुढच्या जन्मी तरी भेटुया गझलेच्या काठावरती

तुझे नि माझे नाते कुठले मला सदाचे कोडे हे
कोड्यावरती कोडी घालत शब्द वहीवर थरथरती

नको देवपण नको स्तुतीही जगू ‘सुनेत्रा’ खरेखरे
भूक मला तव काव्याची अन तहान त्यातिल नवतीची


Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.