कशी निवडून घ्यावी नोकरी मी छान सरकारी
मला रे मूड कोठे आजही देण्यास ललकारी

मुलांना पाहुनी आता शिकाया नियम सृष्टीचे
घराच्या परसदारी अंगणी लावेन तरकारी

करांनी कैक लिहिता उमटल्या गझला करामत ही
पुरे चर्चा कराला कोठल्या म्हणतात अबकारी

झळांनी पेटणे नाही हिमाने गोठणे नाही
जिवाने कोष विणणे ते नसावे त्यास भयकारी

लिहावे नाव म्हणते कोरुनी मक्त्यात सोनेरी
कशी द्यावी कुणी द्यावी सुनेत्रा सांग ललकारी
लगावली- लगागा/ ४ वेळा