काल पेटली दारी होळी आज मस्त पुरणाची पोळी दो प्रहरी तू येच पावसा पाडाया गारांची टोळी धारांसंगे करूत गप्पा भर-भरण्या गारांनी झोळी येता वादळ अपुल्यामध्ये त्यांस पकडण्या येइल कोळी सहाण घेऊ चंदन उगळू गुळात घोळुन बनवू गोळी येता कपटी भेटायाला मिळून चौघे बांधू मोळी गझल – मात्रावृत्त, मात्रा १६(८+८)

असे असावे धैर्य हृदयीचे पाण्याला जे बर्फ बनविते असे असावे शौर्य नारीचे अर्धे जे जे पूर्ण बनविते असे असावे विणूनी शिवणे पुण्याने जे अर्थ बनविते असे असावे ऊन हळदीचे कर्माला जे जीर्ण बनविते असे असावे पैंजण पदीचे रुणझुणते जे तर्क बनविते असे असावे झिजणे चंदनी हितकर प्रिय जे अर्क बनविते असे असावे वादळ आत्मीक स्वभावास…

आहे ओंजळ खरी अंजली नाही मृगजळ खरी अंजली उठवुन मोहळ खरी अंजली बनते वादळ खरी अंजली पाणिपात्र मम भरण्यासाठी फोडे कातळ खरी अंजली कधी झुळूक तर कधी भासते चक्रीवादळ खरी अंजली आज सुनेत्रा तृप्त जाहली बनता वाकळ खरी अंजली गझल – मात्रावृत्त (मात्रा १६)

घरकामाला सुट्टी घे पण नको आज तू भांडुस सखये वडापावची गाडी आली नको पसारा मांडुस सखये वडापाव हा जरी कालचा पाव भाजला तुपात खरपुस खलात त्याला टाकुन वेगे नकोच रागे कांडुस सखये तू तर माझी प्रियतम साकी खिलव वडे या रसिक जनांना गझलांनी मी भरले प्याले नको ग त्यांना सांडुस सखये नको टमाटे वडे फेकणे…

कविता माझी बोलत असते माझ्यासंगे कविता माझी भांडत असते माझ्यासंगे भूक लागता कडकडुनी मज लपवुनी कागद कविता माझी जेवत असते माझ्यासंगे चिंब भिजविता भाव भावना सुकण्यासाठी कविता माझी वाळत असते माझ्यासंगे कविता म्हणजे व्यक्ती नाही अंतर माझे कविता माझी पाहत असते माझ्यासंगे अंतरातली साद ऐकण्या साद घालुनी कविता माझी ऐकत असते माझ्यासंगे अमूल्य माझे हृदय…

गगन भरारी घेण्यासाठी सज्ज पाखरू पुन्हा जाहले धावायाला कुरणावरती सज्ज कोकरू पुन्हा जाहले गाय चाटता वात्सल्याने वाघाच्या बछड्यास सानुल्या क्षीर प्यायला वाघीणीचे सज्ज वासरू पुन्हा जाहले मौन जरी मी तुम्हास वाटे मंजुळ छुमछुम वाजायाला पैंजणातले अस्सल नाजुक सज्ज घुंगरू पुन्हा जाहले कर्मनिर्जरा होण्यासाठी अंगागाला बोचायाला बाभुळकाटे कुसळ सराटे सज्ज गोखरू पुन्हा जाहले मेंढपाळ मी गौर…