ठेव प्रतिष्ठा तुझी पणाला सत्यासोबत
कधीतरी मज भेट सणाला सत्यासोबत

लख्ख झळाळी मम पर्णाला सत्यासोबत
शिव सुंदरता मन स्वर्णाला सत्यासोबत

नजराणा धन नकोच लुगडे बोल मोकळे
लाव सुपारी चोरखणाला सत्यासोबत

जीवांचे कैवारी जीवच लढत राहती
अभय मिळाया वनहरणाला सत्यासोबत

संयम मार्दव संगे शुचिता आर्जव तपवुन
मिरची तडका दे वरणाला सत्यासोबत

दिला दाखला न हयातीचा मतदानास्तव
ओढुन काडी घे सरणाला सत्यासोबत

गचपण काढुन सरपण मिळण्या हवा खेळण्या
हवी खुरपणी तृणातणाला सत्यासोबत

दुक्कड सनई असो दुक्कडम भल्याभल्यांची
उडेल फे फे क्षणाक्षणाला सत्यासोबत

प्रश्न ऐरणीवरती येता बळ सम्यक्तवी
दो हातांचे येय घणाला सत्यासोबत

क्षेत्र रक्षिण्या कैक जण जरी प्रीत व्यापते
ब्रह्मांडाच्या कणकणाला सत्यासोबत

थडथड दातांची थोपविण्या थापुन यावे
दातांवरती दातवणाला सत्यासोबत

घन गझलमय कृष्ण बरसता मेळ्यामध्ये
गात घुंगरू मिळे गणाला सत्यासोबत

मैत्रीची परिभाषा अस्सल चोख “सुनेत्रा”
झाली भारी टनामणाला सत्यासोबत