सुनेत्रा नकाते

मेंदी हीना मद मदरंगी पंचम काळ सनद मदरंगी पाटे वरवंटेच जाहले अंधारात बळद मदरंगी जीव अता मम शांत जगाया मनातली खदखद मदरंगी नीरेवरती धरण डोलते नळ नेत्रात पुसद मदरंगी वाटुन पाने तळवे आणिक तुझे “सुनेत्रा” पद मदरंगी शब्दार्थ … मदरंगी – मेंदी (वनस्पती)

राखेतुन अंगार फुलवले अंगारातुन नीर प्रकटले कृष्ण जलद डोंगरी ठिबकता शांत रसाने निर्झर झरले काठांवरच्या वाड्या वस्त्या शेतमळ्यांनी श्वास घेतले अकरा अंग सह चौदा पूर्व तीर्थंकर वाणीतुन खिरले वाणीमधले अर्थ टिपाया देह “सुनेत्रा” कान जाहले  

दीक्षा म्हणजे नाही बंधन स्याद्वादातिल सत्य जाणते आत्मघात हा अतीव घातक स्याद्वादातिल सत्य जाणते सत्य झळकण्या हृदयी दीक्षा उत्साहाची देह रक्षिण्या जगावयाची इच्छा सुंदर स्याद्वादातिल सत्य जाणते तिरकी बुद्धी कुटील नीती टवाळकीचा जिवास धोका कर्म कराया कर्तव्यास्तव स्याद्वादातिल सत्य जाणते मार्दव आर्जव शुचिता संयम क्षमा धर्म गुण आत्महितैषी स्पष्ट बोलते हृदयापासुन स्याद्वादातिल सत्य जाणते स्वभाव…