झाकुनी पाहिले ना बांधून पाहिले
माठ घ्यावा तसे तुज ठोकून पाहिले

वाचणे सोसते ना जीवास ते तसे
फक्त व्यवहार जपण्या वाचून पाहिले

जाणले निश्चयाने आत्म्यात मी पणा
उकळुनी नीर बाकी गाळून पाहिले

नाटके पाहिली मी पात्रात भूमिका
घासुनी पात्र माझे विसळून पाहिले

स्वच्छता आवडे अन धुडगूस सावळा
पारवे अंगणी बघ पाळून पाहिले

कैक पोती जुनेरी फाटून संपता
पायपुसण्यास दारी टाकून पाहिले

जाळुनी मम सुनेत्रा अक्षर खरोखरी
जीवघेण्या परीक्षा देऊन पाहिले
लगावली – गालगा/गालगागा/ गागाल/ गालगा/
वृत्त अभयकांती