चिरी – line of vermilon



सुकुमार पाकळ्यांचे जाणून भाव काही
रानातल्या फुलांचे घडवू जडाव काही

लढण्यास आम जनता आहे तयार जेथे
तेथे रणांगणी मी सोसेन घाव काही

कुजणार संपदा ही येताच मोड त्याला
मुलगी म्हणे पित्याला करते लिलाव काही

भालावरी चिरी ती रेखून आज आली
पाते तिला सुरीचे म्हणतात राव काही

ज्यांच्यात हे पडोंनी होतात जायबंदी
ते बुजाविण्यास खड्डे घालू भराव काही

आहे पराभवाची खात्री जरी तयांना
ठोकून बैसले ते तंबू पडाव काही

येते इथे ‘सुनेत्रा’ मूर्तीत आत्म बघण्या
वेशीतल्या भुतांची शमण्यास हाव काही

वृत्त – गा गा ल गा, ल गा गा, गा गा ल गा, ल गा गा. 

 


 


Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.