कणिक रव्याची घट्ट तिंबली
किसणीवरती किसून घेतली
पाटावरती उन्हात पसरून
कीस घेतला कडक वाळवून

कणकेचा मग फुलका लाटून
केला त्याचा बटुवा दुमडून
किसास भरुनी बटुव्यामध्ये
तोंड दुमडले त्या बटुव्याचे

फडताळे मग हळू उघडुनी
बटुव्याला त्या आत ठेवुनी
ख़ुशी ख़ुशी मन झाले हरिणी
डोलू लागली मनात तरुणी

येता संक्रांतीची भोगी
बटुव्याची त्या खीर बनवली
हाव हाव मग करून पुरती
भगुणे भरुनी खीर चापली

गळवट भरता जीव तरसला
हवा खायला आतुर झाला
हवेत चालून ढेकर दिधली
झोप सुखाची मजला आली