This Ghazal is written in aksharganvrutta. Vrutta is LA GAA GAA, LA GAA GAA, LA GAA GAA, LA GAA GAA.
In this Ghazal the poetess says my pure heart is my true bank balance.
असे मीच माझी गुरू देव आता
हृदय शुद्ध माझे खरी ठेव आता

मला मी कळाले पुरे हेच मजला
कशाला दुजांची उठाठेव आता

उन्हाने जळाली तुझी गौर काया
चढे सावलीला फुका चेव आता

कुणाची गझल अन कशाची समीक्षा
कितीक अफवांचे फुटे पेव आता

कशाला हवा तुज शिळा गार मेनू
सुखाने तुझ्या तू घरी जेव आता

वृत्त -ल गा गा, ल गा गा, ल गा गा, ल गा गा .