This ghazal is written in Akshargan vrutt. Vrutt is LA GAA LA GAA  GAA, LA GAA LA GAA  GAA, LA GAA LA GAA GAA GAA .

धुके हिवाळी धवल रुपेरी मलमल ढाक्याची
सुरेल कविता जणू बनातिल सळसळ वाऱ्याची

भल्या पहाटे उठून पक्षी किलबिल गाताना
हरित तृणांच्या तनूवरी दव थरथर गाण्याची

सलिल झऱ्याचे हृदय फुलांचे तशीच मम तृष्णा
तिला न कळली सुबोध भाषा अनवट कोड्याची

धुरास ओकित पळतिल गाड्या सुसाट वेगाने
तयात विरते निळ्या नभातिल लुकलुक ताऱ्याची

नकोच कौतुक नको वकीली गुलाब बागांची
कळेल तुजला करात खुपते ठसठस काट्याची

वृत्त – ल गा ल गा गा, ल गा ल गा गा, ल गा ल गा गा गा.