कचेरीत फ्लिटविकच्या होता कैद सिरिअस ब्लॅक
कृष्णकला वर्गात कोंदटे रंग कळकट ब्लॅक

हिप्पोग्रिफवर बसून झाला मुक्त काळ कुत्रा
परतुन हॅरी गिळे मृदु चॉकलेट कडवट ब्लॅक

चंदेरी काळवीट उमदा नाम प्रॉन्ग्ज त्याचे
खरा धाडसी आश्रयदाता रात्र अनवट ब्लॅक

हर्माइनी नि हॅरीची ही करामत जादुई
निरोप घेई आनंदाने हात हलवुन ब्लॅक

घटिका गोलावरती घुमवुन काळाला मागे
तृप्त जाहले हिरवे काटे आणि करवत ब्लॅक

गझल मात्रावृत्त (मात्रा २६)