ग्रंथ चेहरा भिंत बोलकी आभाळ सजल घन कृष्ण फळा
धुंवाधार जलदांतुन मोती गाळिव जल धारोष्ण झळा

अक्षरगण अन मात्रा वृत्ते ना पोरखेळ ही गझल विधा
गझलियतेवर तरे लीलया तन तहानलेला हरित मळा

शब्दकोश मम मुक्त उधळुनी भरून वाहते कोषागार
ओंजळ सांडे करकमलांची लागल्या जिवा निर्मिती कळा

निःकाचित कर्मे जाळाया ध्यानाग्नीने पेटव समई
धर्म अहिंसा संयमात रम लागाया त्याचा तुला लळा

पुण्य आणखी पुरुषार्थाने मिळते धन दौलत शांती सुख
मोक्षपथावर दृढ सुनेत्रा रचत गावया जिन स्तुती गळा