माझं घर माझं घर
घरासमोर डोंगर
माझ्या घरात शांतीचा
आहे कायम वावर
आम्ही दोघे लेकासंगे
सदा सुखात अपार
माझं घर माझं घर
माझ्या लेकीचं माहेर
माझं घर माझं घर
माझ्या नातीचं आजोळ
जावयाच्या संगे येई
नात आणि लेक बाई
माझ्या घरात गोकुळ
ज्ञानीयांची पायधुळ
माझं घर माझं घर
समाधानाचं आगर
माझ्या घरी सरस्वती
लक्ष्मीसंगे धन्वंतरी
गुणीजनांचा राबता
माझ्या घरी धर्म वसा
शुद्ध अन्न हवा पाणी
रचण्यास गोष्टी गाणी